Hurðanet - DIY pakkar
Hurðanet - DIY pakkar
Hurðanet - DIY pakkar
Hurðanet - DIY pakkar
Hurðanet - DIY pakkar
Hurðanet - DIY pakkar
Hurðanet - DIY pakkar
Hurðanet - DIY pakkar

Hurðanet - DIY pakkar

Fullt verð
Verð frá 32.000 kr
Verð
Verð frá 32.000 kr
Einingaverð
per 
Verð er með virðisaukaskatti

Almennt um vöruna

DIY stendur fyrir "Do it yourself" eða "Gerðu það sjálfur"

  • DIY pakki inniheldur alla íhluti sem þarf í gluggaramma með neti sem passar akkúrat fyrir þinn glugga.
  • Leiðbeiningamyndbönd og PDF skjöl um samsetningu og uppsetningu finnurðu í kaflanum Leiðbeiningar hér fyrir neðan.
  • Við bjóðum líka upp á samsetta ramma, sjá nánar hér.
    Innihald DIY pakka: 
    • 4 stk hvítir álprófílar  38,5mm á breidd og  12,5mm á dýpt í lengdum DIY pakka sem er valinn
    • Net eins og valið var, sniðið í stærð
    • 4 stk. horn og 16 skrúfur
    • 2 stk. lamir og 8 skrúfur
    • 2 stk. segulfestingar og 4 skrúfur fyrir segul og 2 minni skrúfur fyrir plötu
    • 1 stk. miðstyrking með handfangi og 4 skrúfur
    • Gúmmíborði sniðinn í lengd DIY pakka sem er valinn
    • 1 stk. áhald til að festa gúmmíborða
    • Leiðbeiningar um samsetningu
    Nauðsynleg verkfæri sem þarf en eru ekki innifalin í pakkanum:
    • Járnsög (hægt er að óska eftir sögun eftir máli þegar pantað)
    • Ef ekki sagað í vél þá þarf stokk til að saga álrammann í 45 gráður (til í vefverslun okkar)
    • Skrúfvél eða skrúfjárn
    • Lítil borvél með borum til að bora fyrir lömum og festingum í álrammann
    • Dúkahnífur til að skera umframnet þegar komið í rammann

    Mæla og velja stærð

    • Athugið hvort yfirborðið hringinn í kringum hurðina er slétt 
      þ.e. skoðið hvort einhver hurðapóstur er innar en hinir.
      Ef yfirborðið er ekki slétt þá eru nokkrar leiðir mögulegar, til dæmis er hægt að byggja út þann póst sem er innar, nota þéttilista eða láta hurðanetsrammann ganga inn fyrir hurðapóstinn. 

    • Athugið hvort nægjanlegt pláss er til staðar fyrir álprófílinn og lamir
      Álprófíllinn er 4 cm á breidd og gert er ráð fyrir að álramminn gangi 2 cm inn á dyraopið og 2 cm inn á hurðakarminn, síðan þurfa lamirnar 1,5 cm pláss öðrum megin. Að ofanverðu þarf að gera ráð fyrir 1,5 cm plássi til að hægt sé að lyfta hurðinni á og af lömunum og að neðanverðu þarf að gera ráð fyrir 0,5-1 cm bili að botni svo hurðin verði ekki of stíf þegar opnað og lokað.
      Þrátt fyrir ofangreint er þó hægt að láta álrammann ganga meira inn á dyraopið ef vantar pláss en lamirnar þurfa alltaf sitt pláss, og 1,5 cm að ofanverðu verður að vera til staðar (sjá mynd).



    • Máltaka
      Ef nægjanlegt pláss er til staðar fyrir álprófíla og lamir þá mælirðu breidd og hæð dyraopsins og bætir 4 cm við hvora tölu og notar þau mál fyrir sögun á álprófílunum (þar sem álramminn gengur 2 cm út fyrir dyraopið í allar áttir).
      Ef  ekki er nægjanlegt pláss og álramminn þarf að ganga minna en 2 cm út fyrir dyraopið þá þarftu að bæta við breidd og hæð dyraopsins þeim tölum sem eiga við hvora stærð í stað 4 cm viðbótarinnar sem væri ef nóg pláss væri til staðar.
      Dæmi: ef dyraopið er 80 á breidd og 190 á hæð og aðeins er pláss fyrir 1 cm hvoru megin og 2 cm að ofan og neðanverðu, þá yrðu málin fyrir álprófílana:
      80+1+1 = 82
      190+2+2 = 194

      Álprófílana á að saga í 45 gráður og máltakan miðast við ytra málið (sjá mynd)



    • Svo framarlega sem breidd og hæð dyraopsins er innan málanna sem eru gefin upp fyrir  DIY pakka þá passar stærðin. Sem dæmi ef dyraopið hjá þér er 80x190 þá er það innan 90x200 pakkans.
    • Það eru ítarlegar leiðbeiningar á síðunni sem er gott að skoða áður en mælt er.

    • Ef eitthvað er óljóst og þú ekki viss hvort þetta muni ganga upp hjá þér geturðu sent okkur myndir af hurðinni og við sjáum hvort við finnum ekki örugglega lausn sem passar þér. Sendu myndirnar á glugganet@glugganet.is. Eða þú getur kíkt til okkar á opnunartíma.

    Velja net

    Það eru þrjár gerðir af netum og eru þau misjöfn að þéttleika og styrkleika og henta því mismunandi aðstæðum. Netin eru öll svört að lit.

    • Skordýranetið
      hefur 49 göt pr fersentimeter og heldur úti flestum skordýrum fyrir utan þeim allra minnstu eins og lúsmýi.


    • Lúsmýnet
      hefur 96 göt pr fersentimeter og heldur úti öllum skordýrum þ.m.t. lúsmýi.


    • Gæludýranet
      hefur 24 göt pr fersentimeter og er sérstaklega hannað til að halda gæludýrum inni (eða úti) auk þess sem það heldur úti flestum skordýrum fyrir utan þeim allra minnstu eins og lúsmýi.

    Ekkert mál er að skipta um net eftir á ef þú kemst að því að netið sem þú valdir hentar ekki þínum þörfum. (sjá varahluti)

    Sögun á álprófílum

    • Þú getur valið að fá álprófílana í þeim stærðum sem eru í DIY pakkanum og þá sagar þú sjálfur í nákvæmar stærðir, eða þú getur valið að fá þá sagaða í þína stærð án aukakostnaðar eða þú getur fyllt út og sent okkur þetta eyðublað  á glugganet@glugganet.is og við reiknum út sögunina.

    • Ef þú velur að fá álprófílana sagaða í þína stærð birtist reitur þar sem þú þarft að skrá nákvæmar lengdir í cm. 

      ATHUGIÐ að endanleg sögun getur hlaupið á +/- 3mm frá uppgefnu máli.

    • Sjá nánar um hvernig á að mæla og hvað þarf að taka tillit til við máltöku í kaflanum Mæla og velja stærð hér að ofan.

    Afhending og sendingakostnaður

    Afhendingartími
    • Pantanir á DIY pökkum eru tilbúnar til afhendingar eða útsendingar innan 5 virkra daga frá því pöntun er greidd.
    • Við sendum tilkynningu um leið og pöntun er tilbúin
    • Hægt er að sækja sendingar til okkar á opnunartíma.
    • Ef óskað er eftir að fá heimsent geta bæst við allt að 3 dagar í flutning.
    • Einungis er hægt að fá samsetta ramma senda heim innan höfuðborgarsvæðisins þar sem við keyrum þá út sjálf því erfitt er að pakka þeim fyrir almenna flutninga.
    Sendingakostnaður
    • Sendingakostnaður fyrir hverja sendingu er 2.500 kr.

    Leiðbeiningar

    Frekari upplýsingar

    Ef þú hefur spurningar þá:
    Athugaðu hvort þú finnur svarið í Algengar spurningar
    Skoðaðu leiðbeiningar okkar
    Sendu okkur fyrirspurn 
    Kíktu til okkar á opnunartíma