Algengar spurningar

 

Hafa netin áhrif á birtu og loftflæði inn til mín?

  • Það fer eftir því hvernig net þú velur. Netin er mismunandi þétt og hafa mismunandi áhrif á birtu og loftflæði. Skordýranetið og stálnetið (músanetið) hefur mjög lítil áhrif á hvorutveggja, gæludýranetið hefur lítil áhrif á loftflæði en einhver áhrif á birtu þar sem þau eru þykk, lúsmýnetið hefur næstmest áhrif á bæði birtu og loftflæði þar sem það er mjög þétt til að varna örsmáu lúsmýinu inngöngu og frjókornanetið hefur mest áhrif á loftflæði því þau eru einstaklega þétt til að halda úti örsmáa frjókorninu. Yfirleitt er opnanlega fagið sem netið hylur það lítill hluti af heildargluggum að áhrif á birtu eru yfirleitt lítil. 

Hvernig á að mæla fyrir glugga- og hurðanetum?

  • Það eru ítarlegar leiðbeiningar á síðunni sem er gott að skoða áður en mælt er.

Ég er með rúllu/rimla/strimlagardínur, get ég samt sett glugganet hjá mér?

  • Já í langflestum tilfellum er það hægt, ýmist þarf þá að setja netið fyrir innan eða utan gardínur og jafnvel þarf að hafa tvískipt glugganet eða byggja upp með uppbyggiprófílum. Einnig getur hentað betur að vera með segulfestingar en lamir, svo það eru nokkrar leiðir mögulegar.
  • Best er að senda okkur myndir og við sjáum hvort við finnum ekki örugglega lausn sem hentar þér. Sendu myndirnar á glugganet@glugganet.is 

    Hvernig net á ég að velja?

    Það eru fjórar gerðir af netum og eru þau misjafnlega þétt og henta mismunandi aðstæðum. Netin eru öll svört að lit.

    • Skordýranet hefur 18x18 göt pr fertommu eða 324 göt og heldur flestum skordýrum úti nema þeim allra smæstu eins og lúsmýi. Skordýranet er hægt að fá með álrömmum en ekki rúllunetum.


    • Lúsmýnet hefur  30x20 göt pr fertommu eða 600 göt og heldur öllum skordýrum úti þar á meðal lúsmýi. Lúsmýnet er hægt að fá í bæði álrömmum og rúllunetum.


    • Gæludýranet er sterkt polyester net sem hefur 15x11 göt pr fertommu eða 165 göt. Því er ætlað að halda gæludýrinu þínu inni og gæludýrum nágrannans úti en að auki heldur það flestum skordýrum úti nema þeim smæstu eins og lúsmýi (flest gæludýr fara reyndar ekki í gegnum hin netin heldur en við ábyrgjumst það þó ekki). Gæludýranet er hægt að fá í álrömmum.


    • Frjókornanet
      hefur 1008 göt pr fertommu (56-18) og er sérstaklega ætlað þeim sem glíma við frjókornaofnæmi, það er mjög þéttriðið og heldur úti helstu frjókornum eins og birkifrjó, grasfrjó, nettlufrjó og ambrosia.
      Frjókornanetið er eingöngu hægt að fá í rúlluglugganetum en ekki í álrömmum.


    • Ekkert mál er að skipta um net í álrömmum eftir á ef þú kemst að því að netið sem þú valdir hentar ekki þínum þörfum. (sjá varahluti)

    Hvernig festingar á ég að velja?

    Einungis er hægt að velja um mismunandi festingar fyrir gluggaramma. Hurðarammar eru alltaf festir upp með lömum og Rúlluglugga- og hurðanet eru alltaf skrúfuð upp.

    • Lamir þarf að skrúfa í gluggakarminn, þegar þessi leið er valin er gluggaramminn á lömum og auðvelt að opna og loka. Einnig er mjög auðvelt að taka rammann af lömunum og setja aftur á til dæmis ef vilji er til að taka rammana niður yfir veturinn.
       
    • Segulfestingarnar eru límdar á gluggakarminn og þarf því ekki að skrúfa í gluggakarminn, þegar þessi leið er valin er rammanum kippt af seglinum til að komast að opnanlega faginu.
    • Lamir og segulfestingarnar einnig er hægt að hafa bæði lamir og segulfestingar, lamirnar auka þægindin og segulfestingarnar auka þéttleika.
    • Skoðið leiðbeiningarmyndböndin til að sjá mismuninn.

    Er flókið eða erfitt að setja rammana saman?

    • Mjög auðvelt er að setja gluggaramma saman en eilítið flóknara að setja hurðaramma saman. Allir með fulla heilsu og rétt verkfæri ættu þó að vera færir um að setja saman báðar gerðir, skoðaðu leiðbeiningarmyndböndin okkar og þú sannfærist.

    Er flókið eða erfitt að setja rammana upp?

    • Nei alls ekki, allir með fulla heilsu ættu að vera færir um að setja rammana upp hvort sem er með lömum eða segul, skoðaðu leiðbeiningarmyndböndin okkar og þú sannfærist.

    Hvað er langur afhendingartími?

    • Pantanir á efni í álramma sem berast og eru greiddar fyrir kl. 16 á mánudögum er hægt að sækja til okkar í Hlíðarsmára 8 (bakhlið) á þriðjudögum milli kl. 18 og 20.
      Ef óskað var eftir heimsendinu fara þær í póst á miðvikudegi. 
    • Pantanir á rúlluglugganetum og rúlluhurðanetum eru tilbúnar til afhendingar/útsendingar þarnæsta þriðjudag eftir að greiðsla hefur borist.
    • Ef valið er að senda þá taka póstflutningarnir allt að 3 daga til viðbótar.

    Sendið þið um allt land?

    • Já við sendum með Póstinum um allt land.
    • Einnig er hægt að sækja til okkar sjá hér 

    Hvað með varahluti ef eitthvað týnist eða skemmist?

    • Við eigum alla varahluti sem þarf fyrir okkar vörur svo ef eitthvað kemur upp á í samsetningu, uppsetningu eða síðar þá geturðu alltaf pantað varahluti og lagað það sem kom upp á.

    Er hægt að fá að skoða sýnishorn hjá ykkur?

    • Já við erum með sýningarsal þar sem hægt er að fá að skoða á sama tíma og við afhendum vörur sjá hér

    Verð ég að panta í gegnum heimasíðuna?

    • Já við leggjum áherslu á netverslunina okkar, en þú getur fengið ráðlegginagar á staðnum á þeim tíma sem við afhendum vörur sjá hér 

    Hvaða greiðsluleiðir eru í boði?

    • Þú getur valið að greiða með korti eða millifærslu.
    • Ef pantað er í gegnum vefsíðuna og valið að greiða með korti þá flystu sjálfkrafa yfir á greiðslusíðu kortafyrirtækisins og skráir allar upplýsingar þar.

    Getið þið hjálpað mér við innkaupin?

    • Já ekkert mál, sendu okkur tölvupóst á glugganet@glugganet.is eða fyrirspurn í gengum netsíðuna og við svörum um hæl. Gott er að láta símanúmer fylgja með svo við getum hringt í ykkur.